الأخبار

الأهلي اليوم : كيف طور لاسارتي أداء الأهلي ومفاجأة في لقاء الزمالك

الأهلي اليوم : دايةً من ماتش سموحة اللي فاز فيه 1-0 و هو بيلعب 4-3-3 مش 4-2-3-1 و بيلعب ناصر ماهر كجزء من مثلث نص الملعب مع السولية او نيدفيد و حمدي فتحي او هشام محمد او عاشور.، الفضل الأكبر للاسارتي لأنك لما تشوف الضغط السلبي للأهلي مع كارتيرون و تشوف التحول الرهيب في إيجابية و جماعية الضغط مع لاسارتي

الأهلي اليوم : لاسارتي ينقذ الأهلي من سلبية كارتيرون

الأهلي اليوم :  الفضل الأكبر للاسارتي لأن في تحركات و جمل متكررة بنشوفها منذ توليه المسؤولية زي تحركات 4 لاعيبة بشكل دوري في مساحة بين الخطوط سواء كان الجناحين أو ثنائي من وسط الملعب السولية و ناصر ماهر و كثرة التحرك و الاستلام في المنطقة دي بيزود نسبة خطورة الأهلي و بيزود نسبة خطورة لاعيبة وسط الملعب لأنهم بيستلموا في مناطق قريبة جدًا من الجول بإستثناء لاعيب واحد في وسط الملعب بيكون ارتكاز ثابت و مش مسموحله يتقدم كتير .

الأهلي اليوم : أطراف الأهلي مصدر خطورة وضعف

الأهلي اليوم : أطراف الأهلي لا تقل خطورة عن العمق خصوصًا مع توهج معلول و هاني و وجود اجاي و رمضان و جيرالدو و الشحات في صفقات يناير و قبل كل دول توجيهات لاسارتي اللي اتكلمنا عنها قبل كدة للوينج و الظهير بإنهم ميتحركوش على خط واحد ابدًا و انهم يتبادلوا مراكزهم أكتر من مرة لتشتيت الخصم و في أحيان كتير جدًا بنشوف الوينج هو اللي فاتح على الخط و الباك هو اللي بيدخل يتحرك في الhalf spaces

الأهلي اليوم : لكن زي ما أطراف الأهلي هي أحد نقاط قوته هي برده أحد نقاط ضعفه و خاصةً الجبهة اليسرى.. زي ما قولت عن المدرسة اللاتينية انها بتنقصها الإلتزام التكتيكي الدفاعي بنسبة مش قليلة و عشان كدة مبنشوفش أدوار دفاعية كبيرة لوينجين الأهلي و الإعتماد دايمًا على ثلاثية وسط الملعب لمساندة الظهيرين لكن هنا بقى بتظهر مشكلة الجبهة اليسرى و المشكلة دي سببها إن اللاعيب اللي في مثلث نص الملعب اللي بيلعب مايل للجبهة الشمال بيكون ناصر ماهر اللي هو أصلاً إرتداده بطئلا يوجد وينج بيرجع يساند معلول بشكل مؤثر و عندك لاعيب في نص الملعب ارتداده بطئ و التحامه ضعيف بالتالي دايمًا معلول بيتحط في مواقف واحد على واحد أو اتنين على واحد كتير

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق