الأهلي نيوز : الأهلي يمتلك ثلاث صفقات “جواهر ثمينة” شكرا طاهر

الأهلي نيوز : محمود طاهر رئيس نادي الأهلي السابق ، كان له أخطاء كثيرة وهاجمناه و إنتقدناه فى أمور سلبية و مواقف عديدة ,

فلابد أن يحصل علي إشادة يستحقها لـضمه ثلاثة قطع من ( الـذهــب ) الإفريقي بـالفريق ،

( على معلول – جونيور أجايي – وليد أزارو ) 3 لاعيبة من وجهة نظرى : من أفضل اللاعيبة

فى مراكزها اللى بتلعب داخل القارة السمراء حالياً .. 3 صفقات سوبر و كنوز حمراء أعطت تقل للفريق فى الملعب .

الأهلي نيوز : محمود طاهر يستحق الثناء علي الصفقات الثلاث

الأهلي نيوز : عــلـي مـعــلــول : أفضل ظهير أيسر فى القارة السمراء بلا منازع ,, سرق قلوب الأهلاوية بمعنى الكلمة ,,

أصبح ( بابا نويل ) و ( مصدر السعادة ) لـكل الأهلاوية ,, اللاعب الأكثر صناعة للأهداف و الأعلى تأثيراً فى الفريق الفترة الأخيرة ,,

بـيمثل 50 % من القوة الضاربة للأهلي بلا منازع ,, واحد من أفضل صفقات الأهلي المحترفين على مر التاريخ الأهلاوي ،

قليل لما بـيكون فيه ظهير بـيمثل قوة ضاربة فى الفريق .. وقليل لما يتواجد ظهير بيكون ( طائر )

وبيأخد الخط كله لوحده بنفس المجهود وتكون عنده الدقة ديه فى العرضيات ..

الأهلي نيوز : جــونـيـــور أجــايـــي : بيتظلم كتير لما بيلعب ع الطرف أو بيلعب مهاجم صريح ,

لكن أجايي لما بيقوم بدور المهاجم الوهمي او الشادو سترايكر بيكون عنصر قوة هجومية ولاعب إيجابى جداً ،

أجايي ليه لمسات تشعرك بإن القارة السمراء فيها مواهب ( برازيلية ) ,

أجايي بيلعب الغير متوقع وديه الحقيقة مفتقدة فى لاعيبة إفريقيا من أصحاب البشرة

السمراء وأخر اللاعيبة دول اللى بيلعبوا الغير متوقع كان لاعب نيجيريا السابق المعتزل (

أوجستين أوكوشا ) ، من أمهر .. أمهر المواهب السمراء داخل قارة إفريقيا حالياً

الأهلي نيوز : ولــيــد أزارو : يعيبه فقط اللمسة الأخيرة لو أستطاع أن يظبط الفينش

ويكون عنده تارجت ( مروان محسن ) فى الصندوق أزارو هـيصبح فى مصاف المهاجمين

الأفارقة و الهدافيين المحترفين الأفضل اللي لعبوا فى مصر على مر العصور ، أزارو لما نزل

الشوط التاني عمل ( دربكة ) فى دفاع شبيبة الساورة .. لاعب سريع جداً جداً و قوى و

مشاكس أووى وتحركاته النشيطة بـتربك و بـتعمل خلل فى أى خط دفاع , المهاجم ده

من نوعية المهاجمين اللى بيتعملهم حساب من مدافعي الخصوم و مدربينهم ، أزارو من

أفضل المهاجمين الأفارقة اللى بتلعب جوه القارة وبعتبره هو ومعاه الكونغولي بن مالانجو مهاجم مازيمبى هم الأفضل داخل القارة حالياً …

وسوم: