الأخبار

الأهلي اليوم : بالدليل : تحطيم أسطورة الزمالك الخالدة .. ومخطط تدمير الأهلي

الأهلي اليوم : الأسطورة الخالدة لدي الزملكاوية ، أن الدولة دائما تحاربهم وتحل مجالس الإدارة المختلفه من أجل مجاملة الأهلي ،

أولا الدولة آخر مرة حلت فيها مجلس ادارة الزمالك كان لإنقاذه بعد انسحاب 96 الشهير بدون أي داعي بسبب هدف سليم 100% عشان

” يضربوا كرسي في الكلوب حسب وصفهم ” و مجلس ادارة الزمالك وقف النشاط اللي

كان هيتسبب في هبوط الزمالك ولحل الأزمة قررت الدولة حل مجلس ادارة الزمالك وحل

الاتحاد وتعيين كمال درويش عشان يخرج الزمالك من الورطة دي .. كمال درويش اللي جابته الدولة للزمالك عشان يحققلهم الإنجازات الأهم في تاريخ النادي

الأهلي اليوم : تحطيم أسطورة محاربة الدولة للزمالك

 

الأهلي اليوم :  بعد سنة من تعيين كمال درويش نزل الانتخابات أمام  حمادة إمام أسطورة الزمالك وأكتسحه ،

كمال درويش مكانه الدولة مبتجيش جنبه لمدة 9 سنين .. لحد ما الجمعية العمومية

للزمالك نفسها سقطته زي ما جابته وجابت مرتضى منصور في 2005 دون أي تدخل من أحد

 

الأهلي اليوم :بعد نجاح مرتضى فضل مرتضى في منصبه وخلال 8 شهور بس اتخانق مع

النائب بتاعه وضربوا بعض بالسكاكين .. وانهار فريق الكرة .. واتشطب فريق اليد بسبب

شتيمته لرئيس الاتحاد المصري والدولي حسن مصطفى فاتمنع من دخول المباريات فراح

اقتحم نهائي كاس مصر ووقف الماتش ونزل الملعب وجاب كاس بلاستك واحتفل بيه ..

واتخانق في نهائي كاس مصر لكرة القدم برضه ورفع الجزمة قدام مندوب مبارك .. واتخانق

مع كل أعضاء المجلس لحد ما استقال 6 منهم وفقد المجلس صفة الشرعية ولازم يتحل

.. انقذت الدولة الزمالك وعينت مجلس مرسي عطالله عشان تتحل مشكلة فريق اليد ويحاول يحل مشكلة الزمالك مع الأهرام

 

الأهلي اليوم :  مرتضى رفع قضايا ويرجع 2006 والفريق يستمر في الانهيار وهكذا ويفضل

الوضع في قضايا وحل ورجوع وتعيين لحد ما اتحبس مرتضى بسبب شتيمته لسيد نوفل

في القضية الشهيرة ،  وجابت الدولة ممدوح عباس كرجل أعمال زملكاوي بسيرة حسنه

بيحبه الزملكاوية كلهم وقتها وبيقولوا عليه مشجع درجة تالتة وعنده استعداد يصرف ع

النادي ويحل مشاكله المادية .. وفعلا ابتدى نسبيا تظبط الأمور وكسب الفريق بطولة

كاس مصر كأول بطولة من 2005 .. اتحدد معاد موعد الانتخابات ومسك عامر مؤقتا لحين

اجرائها لان ممدوح عباس قرر ينزل الانتخابات ومرتضى كان خرج من السجن وقرر ينزل قدامه

الأهلي اليوم : أخيرا أعلن معاد الانتخابات وأقيمت ونجح ممدوح عباس سنة 2009 .. اللي

الجمعية العمومية للزمالك اختارته .. وانهار الفريق تاني وخرج من بني عبيد في الكاس

في الفضيحة الشهيرة .. ورفع مرتضى قضية تاني وحل المجلس ، رجع ممدوح عباس

ورفع قضية وكسبها ،- رجعت نفس العمومية تاني نجحت مرتضى منصور .. قرارهم

واختيارهم لتالت مرة سنة 2014 ، الجمعية العمومية للزمالك اللي كانت ولسة بتختار المجالس وفي الغالب بيبقى بيتأييد من أغلبية الجمهور .

الأهلي اليوم : الأهلي يتعرض لحرب من الدولة

الأهلي اليوم : على عكس الأهلي مثلا اللي الدولة هدت اكبر فترتين استقرار في تاريخه

بتدخلات مباشرة وهم فترة أحمد عبود باشا في الاربعينات والخمسينات وودته لأسوء

فترة في تاريخ النادي واللي عملت للزمالك شعبية وبقاله قيمة في الستينات .. وفترة

مجلس كابتن حسن حمدي اللي اتحطله تفصيلا بند 8 سنوات بأثر رجعي عشان يمشي

بعد ما كان الأهلي بياكل الأخضر واليابس لمدة 10 سنين عشان يمشي ويتكسر تفوق

الأهلي قاريا ومحليا اللي كان صعب حد يكسره بدون تدخل مباشر من الدولة زي ده

أحمد الغمري

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق