الأهلي اليوم : يوسف يعيد الحياه للأهلي .. هل يستمر لنهاية الموسم؟

الأهلي اليوم : محمد يوسف بعد اصابة ازارو وصلاح محسن ، لعب بمروان اللي كل مصر

تسخر منه ، ونجح اللاعب في فرض نفسه علي التشكيل وأحرز هدفين في أخر لقاء

فضلا عن تحركاته خارج وداخل الصندوق ،محمد يوسف لعب كريم نيدفيد في مركزين وكل

الاهلوية حاليا بيشيدوا بنيدفيد بعد ما كان الجمهور بيدمره وبيقول عليه بيلعب بالواسطة ..

الأهلي اليوم : يوسف يستحق لفرصة حتي نهاية الموسم

الأهلي اليوم : محمد يوسف أعاد إكتشاف أحمد الشيخ اللي كل المدربين 6 مدربين

مصريين واجانب ردموا عليه دفنوه والاهلي كان بيتفاوض علشان يدخله في صفقات تبادلية مع المقاصة  ،

حاليا بيرجع واحده واحده للاعب مرعب بيسجل وبيصنع كل مباراة  ، أحمد علاء اللي

الجمهور كان بيتريق عليه وبيقول عليه صفقة تعبانة وادارة بخيلة ،

لعب 3 مباريات اثبت انه مستقبل دفاع مصر لو استمر على المستوى ده ،ناصر ماهر اللي

كارتيرون دفنه علي الدكة ، يوسف أعاده للحياة مرة أخري  في اربع مباريات فقط .. اعتقد

انه لو اخد الفرصة كاملة وتم تدعيمة بصفقات وبعد عودة المصابين وهم فريق كامل ..

اعتقد ان يوسف وقتها هايبقى من اعظم مدربي الاهلي ..

الأهلي اليوم : لو هناك إصرار علي التعاقد مع مدرب أجنبي لابد أن يكون صاحب فكر جديد

ويطور ويحدث نقلة في النادي ، مثلما فعل البرتغالي مانويل جوزيه قائد الجيل الذهب في الأهلي