الأخبار

الأهلي اليوم :عدلي القيعي يهدر علي الأهلي صفقات قوية بالجملة

الأهلي اليوم : محمود الخطيب أعلن عن تعيين القيعي مدير للجنة التعاقدات ،  وفي الوقت ده احتفل كتير من الاهلاوية وقولنا عهـد السيطرة على الصفقات هيرجع من تاني, الا ان متمش ايام على تعيين القيعي ونتفاجئ بالتعاقد مع النجم الفلاني نجم الدرجة التانية لتدعيم فريق الناشئين .. نسكت ونقول نستنى الدور الجاي ونلاقي العملية كلها لاعيبة ناشئين وكلهم بلا استثناء وكيلهم واحد فقط  ( تامر النحاس ) الي كان مختفي عن النادي الأهلي لسنوات طويلة باستثناء صفقة السولية ..

الأهلي اليوم : القيعي يفسد علي الأهلي صفقات سوبر

 

الأهلي اليوم ( حسين الشحات – محمود عبدالعزيز – عبدالله بكري – محمد عنتر- اسلام عيسى- مجدي قفشة – محمد حسن – مهند لاشين – احمد عبدالمقصود – رامي صبري ) كلهم اسماء مميزة ولو كانت معاك في افريقيا مكنتش هتعاني المعاناة دي علشان تاخد البطولة وفي الاخد تخسر تلاتة .. كلهم ماعدا الاخيـر سعرهم متجاوزش 15 مليون .. حسين الشحات الي المهندس عدلي عملنا عليه حكاية ورواية ، وفرط في اللاعب علشان النادي عارض سته وسبعه مليون والمطلوب كان 10 مليون .. بحجة ظبط اسعار السوق ( شماعة فاشلة ) كان اولى ضربات الفشل للجنة التعاقدات

الأهلي اليوم : محمود عبدالعزيز وعبدالله بكري وياسر ابراهيم  كان مطلوب في كل واحد فيهم 20 مليون جنيه والتفاوض مكنش بيتم عن طريق لجنة التعاقدات من الاساس ، كان تركي الشيخ الي في تواصل تام مع فرج عامر واعلن الكلام ده فرج عامر بنفسه, وطلب فرج 20 مليون وكان تركي هيدفع لكن ظبط اسعار السوق خلت الادارة ترفض

الأهلي اليوم : الأهلي يدفع ثمن فشل القيعي

 

الأهلي اليوم : محمد عنتر بعد ماتفقنا مع ادارة الاسيوطي على المبلغ فضلت ادارة التعاقدات معلقة الصفقة علشان عايزين ندفع شوية قسط وشوية كاش ، ونسيوا ان مرتضى منصور واقف جاهز بالكاش لمجرد انه يصغرهم قدام جماهيرهم .. ونمنا على ان عنتر في الاهلي صحينا لقيناه بتيشرت الزمالك .. في فشل جديد للجنة التعاقدات !

الأهلي اليوم :  اسلام عيسى المهندس عدلي كلم رئيس النصر وقاله انا عايزه .. الرد كان ان المصري قرب يتعاقد معاه ب 10 مليون جنيه .. ف المهندس عدلي تقمص دور نور الشريف في فيلم مسجون ترانزيت وقاله ( المصري هيديك 10 مليون في لاعب ) الاسعار ولعت ! وراح اسلام عيسى المصـري في الوقت ذاته بعدها بشهور تعاقد الاهلي مع عمار حمدي لاعب النصر ب 10 مليون جنيه لتدعيم الناشئين .

الأهلي اليوم : مجدي قفشة كان خيار قدامنا كذا ميركاتو سواء لما جه تركي او قبل ماييجي تركي وعلى الرغم من انك كادارة نادي مكنتش هتدفع حاجة  ، محمد حسن لاعب دجلة السابق مهند لاشين بعد ماخلصت مع الاسيوطي كل حاجة وانت اعلنت والاسيوطي اعلن فجأة كل حاجة وقفت بدون اسباب نهائي وفي ظرف ايام اتباع النادي لتركي وراحت الصفقة .. كنت هتحتاجها في نص ملعبك !

الأهلي اليوم :  احمد عبدالمقصود لاعب الريان القطـري خط وسط مميز دخلت معاه في مفاوضات وكان اللاعب فري مش هيكلفك غير قيمة عقده وكان نفسه ييجي النادي , فجأة كالعادة المفاوضات كلها وبدون ابداء اسباب وراح منك خيار في الوسط كان هينفعك في حالة اصابة السولية المتكرره كان ممكن تقيده بدل اكرم توفيق الي اتقيد وملعبش.

 

الأهلي اليوم :رامي صبري مدافع انبي اختلفت مع انبي على اتنين مليون او تلاتة زيادة عن المطلوب .. ورحت جبت احمد علاء بعشرة مليون جنيه وملعبش ولا اتقيد افريقيا في الوقت الي رامي صبري وبرغم سنه المتقدم كان هيقدملك حلول افضل من سعد سمير مليون مرة ..

الوسوم

‫3 تعليقات

  1. على رأى المثل على ما تتكحل العمشا يكون السوق انفض وخلص والقيعى بيفكر بفكر قديم وبحسب تعليمات الإدارة أن اللاعبين يريدون اللعب للأهلى ببلاش ولكن هذا المفهوم تغير بعد ملايين بيراميدز والزمالك وافدارة بتتفرج ومش قادرة تطلع من القطاع اللى يفيد الفريق ويسيبوا هذه المواهب تذهب للأندية الأخرى ببلاش وبعدين ما يعرفوش يشتروهم مثل محمد حمدى الظهير اليسر ومحمد حسن وغيرهم كثيرون اعيدوا هيكلة أفكاركم وقطاعكم من أجل صالح النادى

  2. الخبر فيه تحامل كبير على القيعي وكأنه هو من رفض التعاقد مع هؤلاء …إدارة الأهلي هي المسؤولة عن ذلك ولم ترغب في شراء هؤلاء ..الموضوع ليس في يد القيعي ..القيعي يفاوض اللاعب في حال رغبة النادي في شرائه

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق