الأخبار

أخبار الأهلي : الخطيب يسير بالأهلي لتكرار هذه الكارثة بعد خسارة رادس

أخبار الأهلي : لا يوجد أصعب من الحديث بعد هزيمة في نهائي دوري ابطال افريقيا ،، وللسنة التانية علي التوالي وبعد غياب طويل عن التتويج بالنسبة للنادي الأهلي ،، مفيش أي منطق يخلينا نقول ان الأهلي خسر بفعل فاعل والكلام دة ، المباراة مكنش فيها ذرة غبار واحدة كل شئ كان طبيعي مفيش قرار واحد ينفع نشاور عليه ونقول امؤامرة ضد الأهلي .

أخبار الأهلي : أداء كارثي للأهلي في رادس

أخبار الأهلي : بيان الكاف قبل الماتش كان كارثي عن كارتيرون دي مفيهاش كلام ، لكن اي كلام او تبرير للي حصل من طرفنا في الملعب بسبب التصريح دة غير منطقي بالمرة  ، الفريق قدم واحدة من اسوء  نسخ الأهلي في المباريات النهائية علي الاطلاق .. لما تلعب نهائي افريقيا ولا يوجد أي تسديدة علي المرمي ، احنا فريقنا من كام سنة مبيتمش تطويره وبقينا محطة لمجموعة متوسطة من اللاعيبة مينفعش يعتمد عليها من الأصل ،صفقات صيد المحلة وشباب الاتصالات ولاعيب فلتة من الغزل للمستقبل دة كلام نهايته الطبيعية اللي شوفناه النهاردة .
أخبار الأهلي : الأهلي خسر علي كل الاصعدة في 2018 ، خسر علي علي المستوي الاداري ، خسر علي المستوي المعنوي ، خسر المعركة الاعلامية ، وخسرن حتي سطوة اسم الأهلي وبقي مستباح يتقال علي مدربنا متواطئ قبل التحقيق معاه ، وفي النهاية خسر في الملعب بشكل مهين ..  كل حاجة غلط في الفترة اللي فاتت من خسارة اللقب امام الوداد لحد النهاردة وخسارته امام الترجي ، كل شئ من سئ لاسوء .

أخبار الأهلي : الخطيب يدخل الأهلي للسنوات العجاف

أخبار الأهلي : فريقنا وصل نهائي افريقيا لكن من العدل اننا نقول ان الفريق دة  ، مثل بفريق الأهلي في الفترة ما بين 2000-2004 منتهي البؤس والوصول للنهائي مش مقياس للنجاح ولو كنا كسبنا البطولة كنا هنقول مبروك بس احنا ومحتاجين فريق .. تصريحات مثل  بتاع اجايي هيرجع من الإاصابة ويعتبر صفقة جديدة هو دة بالملي الاسلوب والطريقة والتفكير الممتد من فترة اللي طبيعي يوصلك للمرحلة دي ، العقليات الديناصورية اللي لسة بتتعامل باسلوب وفكر التسعينات لو متغيرتش أو اتغير إسلوبها هنشوف ماهو أسوء وأسوء مش بس في افريقيا لا كمان في الدوري ..
الوسوم

‫4 تعليقات

  1. العجيب فى هذا المجلس لم نرى عملا بطوليا يحسب له كل ما حدث هو لأسم الأهلى وليس لأحد فيهم له فضل ومش عارف هم فى غيبوبة ولا أيه مش شايفين الدنيا بتتقدم أمامهم وهم محلك سر فليرحلوا بلاش قرف قرفتونا الأهلى أكبر منكم العامرى اللى مسك وزير أسبوعين مفكر نفسه وزير بجد وهو ولما كان موجود أرتكب كوارث عده بلاش قرف استخبوا وسيبوا النادى لجماهيره أقدر وأجدر منكم على ادارة النادى يا فشله

  2. من يتمسك بالماضي وأمجاده دون النظر في خاضره…. ويأمل ويحلم بمستقبله لن يصل الي شيء… ولكن لازم يعلم الجميع أنه يتحمل مسئولية كبري عن نادي كبير جدا وأمام جماهير عريضة من الشمال الي الجنوب ومن الشرق الي الغرب… لعلهم يفقهون.

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق