الأهلي اليوم : 7 نجوم يحسمون نهائي أفريقيا للأهلي .. وكارتيرون يحقق أنجاز جوزيه

الأهلي اليوم : ينتظر الفريق الأول لكرة القدم في النادي الأهلي ، بقيادة باترلايس كارتيرون ،

يوم الجمعة المقبلة ، لقاء حاسم أمام المنافس التقيليدي في البطولات الأفريقي الترجي الرياضي التونسي ،

في نهائي دوري أبطال أفريقيا ، علي ستاد برج العرب بالأسكندرية

الأهلي اليوم : وتتمثل قوة الأهلي خلال بطولة أفريقيا الحالية في وليد أزارو كمهاجم  ووليد سليمان كمحرك للفريق أينما وجد لمدة 60 دقيقة ،

باكات قوية جدا بتعتمد فيها على اكتر اتنين لعيبة خبرة في المركزين دول في القارة ،

كوليبالي كعمود نور في العرضيات اللي وزن مع سعد عيب العرضيات الخطرة ( وواضح لازم الثنائي مع بعض ) وهجوميا كمحطة هوائية للكرات الثابتة ..

والسولية وعاشور كثنائي بيكمل بعضه في مهام نص الملعب الأساسية ولا غنى عن

واحد منهم لان غيابه بيوقع التاني .. وأيمن كسقوطة وجوكر في خط الدفاع

الأهلي اليوم : كارتيرون يعتمد علي 7 نجوم في مشواره مع الأهلي

الأهلي اليوم : حاليا معلول وأجاي خارج الخدمة بسبب الإصابة  ، وتبقي للفريق 7 لاعبين مؤثرين جدا ،

بالتالي غياب أي منهم خصوصا لو اتنين في خط واحد بيبقى مؤثر جدا على شكل الفريق وطريقة لعبه ،

ولذلك كارتيرون بيحاول يثبت ع الأقل 5 من ال 7 دول في أسوء الظروف وطول ماهم

متاحين بيلعبوا وبيحاول على قد ما يقدر يقرب لعيبة لنسبة معقولة من ال 7 دول واللي

يجي منهم حتى ولو وقت قليل من المباراة زي اسلام محارب اللاعب رقم 12 في الفريق

بمعنى انه اقرب لاعب تقدر تقول عليه أساسي ولو مش أساسي هينزل في تبديل ..

وصلاح محسن وميدو جابر وحمودي اللي لو وصل مثلا من حمودي انه يقدم شوط واحد بكفائة 70% بيبقى حاجة كويسة جداا

الأهلي اليوم : لبداية اللي بدأها كارتيرون ب 4 فوز متتالي في دوري الأبطال رجعونا ال

بطولة ووصلنا النهائي مينسيناش ان بالقوام ده كان تفكير الكثيرين ورهانهم اننا مش هنعرف نصعد ..

احنا في نقطة منطقيا كويسة جدااا وأقرب كثير للمثالية من العادي بوجود السباعي اللي

اتكلمت عنه وخصوصا أزارو ووليد سليمان اللي بقوا نص طريقة لعب الأهلي لوحدهم إنت

ليك الأفضلية نسبيا محليا وإفريقيا على أي فريق بتواجهه طول مانت بتلعب بالفريق كامل ..

وإلى أن يعود أجاي ومعلول وربيعة باذن الله دي مرحلة كويسة جدا وده الماكسيمم بتاع الفريق في ظل الغيابات دي وعدم تواجد صانع لعب ..

انت بتلعب حاليا بجناح وحيد بيميل عليه الملعب كله مكان ما يروح ..

طبعا بعد كل ده صعب اتكلم عن دكة وبدلاء لاني أصلا بتكلم في استكمال مراكز الملعب الرئيسية

الأهلي اليوم : الأهلي في مواجهة صعبة أمام الترجي

الأهلي اليوم : بناء على ما سبق أنا كل اللي يهمني في كل البطولات اللي داخلينها حاليا التفوق بأي نسبة وأي شكل وطموحي مش أكبر من كده ..

يعني مثلا طموحي من ماتشين الوفاق كان الصعود بأي شكل ..

الوفاق اللي ميجيش حاجة في فريق النجم اللي كسبناه السنة اللي فاتت 6 ومع ذلك كنت زعلان اننا خسرنا منه في تونس رغم الصعود والفوز بال 6 ..

طموحي في الدوري ان حسابيا لحد يناير يفضل ليا فرصة التصدر ومخسرش من منافسيني المباشرين في الدور الأول .. طموحي من كاس مصر الصعود فقط ..

وطموحي من البطولة العربية افضل أصعد طول ما ده مش هيأثر ع البطولات التانية ولو هيأثر مش مهمة بقدر الدوري وإفريقيا

الأهلي اليوم : في ظل الحسابات دي الأهلي مقبول جدا في عهد كارتيرون وفي ضوء الحسابات دي برضه انت داخل ماتش الترجي 50-50  ،

احنا فعلا متكافئين جدا والماتشين ممكن يخلصوا بتفاصيل صغيرة مش محسوب حسابها ،

بوجود ال 7 لاعبين الأهم في فريقك اللي جاهزين للماتش باذن الله انت ليك حظوظ كبيرة في البطولة والجمهور بان الله يكون ليه عامل الجسم يوم الجمعة

الأهلي اليوم : كارتيرون ينتظر تحقيق أنجاز جوزيه

وبالتأكيد في ظل كل الحسابات دي اللي بيتكلم عن فشل كارتيرون يكون غير منصف ،

في سلبيات لازم نتكلم عنها أكيد بس الراجل في المجمل في كل الماتشات وبالظروف

دي والغيابات هو ماشي في المعقول جدا ونجح في اختبارات كتير لو كملها بالفوز بالبطولة هيبقى فعلا إنجاز يحسب له ،

انجاز قريب جدا بالنسبالي وبيفكرني بفوز جوزيه ببطولة إفريقيا 2001 ..

مش عشان أصعب بطولة فاز بيها .. عشان فاز بيها بفريق كان خد البطولة بفريق مش

مغطي مراكز الملعب الأساسية أصلا زي دلوقتي كده .. فريق كان بيعتمد على 5 أو 6 دعائم أساسية وباقي المراكز بتتكمل عليهم

بقلم : أحمد الغمري